我:「出咗咩事？……唔通……正灵方面有状况出现？」
汪团长:「阿楠……你仲记唔记得你系点样加入我教？」
我:「我当然记得……。」
汪团长:「当初唔系我哋杨祭司出手帮咗你老公，可能你两公婆已经坐紧监……你宜家仲心存感恩嘛？」
我:「我哋如果唔系当初烂赌，我两公婆都唔会走上条不归路。」
汪:「当然……喺公司亏空公款，你哋已经系喺俗世人眼中成为罪犯，如果唔系有机会认识杨祭司……」
我:「我哋两公婆永远心存感激，如果唔系经信徒介绍……认识杨祭司，然後……我哋得到无限量资助同宽恕……」
汪:「你知嘛，你哋杀咗上司然後嫁祸亏空公款条罪畀佢本人，呢条计，唔系我哋人子献嘅计划……我哋用咗好多资源就系买来你变成我哋心腹嘅代价，……你唔会令我哋失望嘅，系唔系？」
汪团长打算探取我口风，看我是否对本教忠心，因我实在参与太多他们的秘密行动，可能不想我有变节的心。
他又说:「第二时你出咗世嘅仔囡，以後教会会好好关照，供书教学，生活经费不成问题……只要你对教忠心，乜嘢都有你屋企人享受，明白嘛？」
我:「团长……今次你要我预备七张机票？就只有系咁？……仲有啲咩？」
内容未完，下一页继续阅读